قصیدة/بقلم الشاعر جاسم الصاکـــیـ

بشباچچ كَمر .. (( خاتل ))

يظم روحه ابنفانيفچ .. !!

وصابيعچ طرفهن يغفى بيهن ليل

ونده اعيونچ نزيزه ايطيح عثيابچ يطيرالهيل !!

وكَوم اتّنشد الظلمه اعله كَمرچ وين

كَمرجاسه البرد نام ابزوايه التين

ومد ظني ابشبابيچچ وفيض

امن الحزن ..( نهرين ) !!

حزن بيه اعله كَد اللّيل لو نجمه ابجرف تنجاس

حزن بيه انظر الغبشه ابزوايه الكاس

ودوّر ولدروب اطشر اعيونچ ضواء امرايات

ضواء ايطشرسمار الناس عل نسمات

ودوّرچ ولمناير تلبس الخطوات

تفزبيه وفيض اعتاب .. !!

واتناوش وصوغ اعيوني الچ علباب

وداينلچ خلگ مامون يظفر

وحشت السرداب !!!!

حزن بيه اشرب الخطوات كل غبشه

وجيچ امتيه اجدامي اعله دربچ بلكي اطگ زفه

والبسنچ خواچي ليل واصوغن للزف نجمه

يغنيچ النخل طليع ومدن روحي الچ لگيح

ولتذ بلترافه البيچ اخافن لايجيسج ريح

يحبيبه تراهو اللّيل للعاشگ حزن غربه

يحبيبه سمار البيچ ماخذ كشخت الحنطه

دلاگيني و(( دمسحي )) اللّيل

بيه اصخونة الغربه !!!!

يحبيبه .. (( الغريب ))

ايموت گبل لا تنّزع روحه ???

جاسم الصاكيــ